Cambio no Grupo Municipal do BNG Xaime Iglesias Perez, será o novo portavoz municipal do BNG no Concello de Baños de Molgas, dándolle o relevo a Alfonso Caride Losada
Xaime Iglesias Perez, será o novo portavoz municipal do BNG no Concello de Baños de Molgas, dándolle o relevo a Alfonso Caride Losada, quen por razóns laborais non lle pode adicar a este cometido todo o tempo que precisa.
Dende o grupo local do BNG valórase moi positivamente o traballo desenvolvido polo actual grupo municipal, e estamos seguros que co cambio este traballo se incrementará en beneficio dos/as viciños/as de Baños de Molgas, do seu progreso material e da súa calidade de vida. As razóns que nos moven a realizar esta substitución, son exclusivamente para optimizar o traballo que sempre desenvolvemos: A DEFENSA DOS INTERESES DE BAÑOS DE MOLGAS. Será precisamente esta prioridade a que movera a Xaime na súa nova responsabilidade: Traballar arreo, en positivo, con intelixencia e ilusión, con todos e todas para VOLVER POR A BAÑOS DE MOLGAS NO LUGAR QUE MERECE. Por mor das políticas do PP este Concello cheo de potencialidades estase a quedar sin poboación e a que se queda ve como merma día a día a súa calidade de vida.
Somentes cun cambio de rumbo político, con ideas novas , con traballo e coa anteposición dos intereses xerais ós partidistas e personais, podemos sacar ó noso Concello do atraso no que nos manten os actuais gobernantes. Xaime, viciño de Calvelo, enxeñeiro forestal e a persoa idonea para este cometido.
